Малик Бектурганов башкы прокурордун орун басары болуп дайындалды

Малик Бектурганов башкы прокурордун орун басары болуп дайындалды. Бул тууралуу бүгүн, 8-июнда президенттин басма сөз кызматынан билдирди.

"Президент Садыр Жапаров кол койгон буйрукка ылайык, Бектурганов Малик Маамыталиевич башкы прокурордун орун басары болуп дайындалды", - деп айтылат малыматта.

Бектурганов 2022-жылдын 20-майынан бери Ош шаарынын прокурору болуп иштеп келген.

Белгилей кетсек, буга чейин Улукбек Султанов башкы прокурордун биринчи орун басары кызматынан бошотулганы белгилүү болгон. Анын кызмат ордун Баймурза Маатов ээледи.

Автор: Бек Оморбеков
Фото: интернеттен алынды