Балыкчыга каттаган поездин VIP вагонуна алгачкылардан болуп шоу-бизнес өкүлдөрү түшүштү (фото)

Бүгүн, 14-июнда Бишкектен Балыкчыга алгачкы поезд каттамы жолго чыкты. Бул тууралуу "Кыргыз темир жолу" ишканасы билдирди.

Жаңы ачылган VIP вагонго алгачкылардан болуп шоу-бизнес өкүлдөрү түшүшкөн. Алардын арасында ырчылар Нурлан Насип, Омар, Гүлжигит Калыков жана актриса Альбина Имашова дагы бар.

Бишкектен Балыкчыга поезд жума, ишемби жана жекшемби күндөрү каттайт. Ал эми 15-июлдан тарта поезд күн сайын каттап баштайт.

Поезд Бишкектен саат 07:40та чыгып, Балыкчыга 11:46да жетет. Балыкчыдан 18:12де чыгып, Бишкекке саат 22:18де келет.

Поезддин курамында панорамалык терезелери, кондиционер, жумшак отургучтар жана дивандар, кошумча буфет кызматы бар жогорку ыңгайлуулуктагы үч вагон бар.

Автор: Азат Бейшенбеков