АКШ президенти Жо Байден сотто күнөөлүү деп табылган уулу тууралуу үн катты

АКШ президенти Жо Байден 2018-жылы курал сатып алууга байланыштуу үч кылмыш иши боюнча күнөөлүү деп табылган уулу Хантер Байден тууралуу үн катты.

Байден уулу соттолгондон кийин ага президенттик ырайым бербейм деп убадалады. Бул Байдендин уулу тууралуу өткөн жумада өкүм чыгарылгандан кийинки биринчи ачык комментарийи болду.

Президент ошондой эле уулуна сот чечими адилеттүү болгонун билдирди.

"Мен уулум Хантер менен абдан сыймыктанам. Ал көз карандылыкты жеңген. Ал мен тааныган эң жаркын жана татыктуу адамдардын бири. Сот чечимине баш ийем дедим. Мен муну жасайм. Мен ага кечирим бербейм”, - деди Байден 13-июнда.

Хантер биринчи жолу кылмышкер катары кандай жаза алары азырынча белгисиз. Өкүмдүн мөөнөтү октябрь айына белгиленген. Ал пробация, абак, үй камагына же коомдук жумуштарга тартылышы мүмкүн. Бул иш боюнча эң жогорку жаза 25 жылга чейин эркинен ажыратылат.

Президенттер федералдык иштер боюнча кечирим берүү жана жазаны жеңилдетүү же кыскартуу укугуна ээ.

Хантер Байден көп жылдар бою баңгилик көйгөйлөрү менен күрөшүп келет.

Өкүм чыккандан кийин Байден уулун колдоо билдирүүсүн жарыялап, президенттин Хантерди кучактап жаткан видеосу интернетке тарады.

Автор: Бек Оморбеков