
Сел каптаган Сузак-Кара-Дарыя унаа жолу тазаланып, каттам ачылды. Бул тууралуу Транспорт жана коммуникациялар министрлиги кабарлады.
Селдин кесепеттерин жоюу иштери №22 Жол тейлөө ишканасынын кызматкерлери тарабынан аткарылууда. Азыркы тапта да жолду тазалоо иштери жүрүп жатат.
Белгилей кетсек, 18-июнга караган түнү Сузак районунда нөшөрлөп жааган жамгырдан улам сел жүрүп, Сузак-Кара-Дарыя унаа жолунда каттам үчүн кыйынчылыктар жаралган.