Ноокатта селге аккан мал жандыктардын саны 33кө жетти

Ноокат районунда сел агызган 33 баш мал жандыктын өлүктөрү табылып, ветеринардык-санитардык талаптарга ылайык атайын чуңкурчаларга көмүлдү. Бул тууралуу бүгүн, 29-июнда Суу ресурстары, айыл чарба жана кайра иштетүү өнөр жайы министрлиги билдирди.

Кабарга ылайык, аталган иштерге Ноокат райондук ветеринардык башкармалыгы тарабынын 8 инспектор, 12 ветеринардык адис, 6 унаа тартылган.

Өлгөн мал жандыктар төмөнкү айылдардын табылган:

Н.Исанов айыл аймагынан 3 баш ири мүйүздүү мал;
Кеңеш айыл аймагынан 1 баш ири мүйүздүү мал;
Мирмахмудов айыл аймагынан 1 баш жылкы;
Гулистан айыл аймагынан 2 баш ири мүйүздүү мал, 13 баш майда жандык (кой-эчкилер);
Жаңы-Ноокат айыл аймагынан 4 баш ири мүйүздүү мал;
Көк-Жар айыл аймагынан 4 баш ири мүйүздүү мал;
Кулатов айыл аймагынан 5 баш ири мүйүздүү мал.

"Тиешелүү адистер тарабынан дагы тактоо иштери уланууда, кошумча маалымат берилет" дешти министрликтен.

Автор: Айжанар Рыспек кызы
Фото: Айыл чарба министрлиги