Ноокатта сел кесепетинен каза болгон өспүрүмдөрдүн сөөктөрү Казакстанга жеткирилди

Каза болгон балдар атайын учак менен жеткирилгенин Чыгыш Казакстан облусунун акимчилиги билдирди. Бул тууралуу казак басылмалары жазышууда.

Ош облусунун Ноокат районундагы сел 9 адамдын өмүрүн алып кетти. Каза болгондордун арасында Чыгыш Казакстан облусунан келген балдар да бар.

Каза болгон балдар Ноокатка туугандарыныкына барган болчу.

Бүгүн, 1-июлда сөөктөр атайын учак менен Усть-Каменогорск шаарына жеткирилди. Балдардын жакындарына жардам көрсөтүү боюнча Чыгыш Казакстан облусунун акимчилигинде ыкчам штаб түзүлдү.