Садыр Жапаров иш сапары менен Астанага барды (сүрөт)

Президент Садыр Жапаров бүгүн, 3-июлда расмий сапар менен Казакстандын Астана шаарына барды. Бул тууралуу президенттин администрациясынан кабарлашты.

Маалымдалгандай, өлкө башчынын борту Астана шаарындагы Н. Назарбаев атындагы эл аралык аэропортко конду.

"Садыр Жапаровду Казакстандын премьер-министри Олжас Бектенов жана башка расмий адамдар тосуп алышты. Аэропорттун флагштокторуна ШКУга мүчө-мамлекеттердин мамлекеттик желектери илинген, килем төшөлүп, ардактуу кароолдун ротасы тизилген", - деп айтылат маалыматта.

Эске салсак, иш сапардын алкагында Садыр Жапаров ШКУга мүчө-мамлекеттердин башчыларынын кеңешинин жыйынына катышат.

Автор: Айпери Бакталбек кызы
Фото: Президенттик администрация