Москвада Матч ТВнын кызматкерин зордуктоого шектелип 3 өзбекстандык кармалды (видео)

Орусияда Матч ТВ телеканалынын кызматкерин зордуктады деген шек менен Өзбекстандын 3 жараны кармалды. Бул тууралуу Москванын Тергөө башкармалыгына таянып жергиликтүү басылмалар жазып чыкты.

Маалыматка караганда, 6-июлга караган түнү шектүүлөр мас абалында Москва шаарында жайгашкан турак-жайлардын биринин жанынан жабырлануучуга кол салышкан. Анда мигранттардын экөө ага карата зордуктоо жасаса, үчүнчүсү шериктеринин коопсуздугун камсыздап, тегеректи карап турган.

"Алардын бири качуу максатында аэропортко бараткан жолдо колго түштү", - деп айтылат маалыматта.

Ошондой эле полиция бул боюнча "Адамдардын тобу тарабынан жасалган зордуктоо" беренеси менен кылмыш иши козголгонун кошумчалады.