"Иштебейт, каалаганын кылат". Абактагы Гүлнара Каримова түрмөдө жаңжал чыгарды

Өзбекстандагы аялдар абагында жазасын өтөгөн атын атагысы келбеген аял блогер Кирилл Альтманга Өзбекстандын экс-президенти Ислам Каримовдун кызы Гүлнара Каримова кандай шартта жазасын өтөп жатканы тууралуу айтып берди.

Анын айтымында, Өзбекстандын маркум экс-президентинин 52 жаштагы улуу кызы жалпы отрядда жазасын өтөп жатат, бирок анын өзгөчө шарттары бар. Гүлнара Каримова колониянын ашканасынан тамак ичпейт, өндүрүштө иштебейт жана анын формасы табигый материалдардан атайын буйрутма менен тигилет. Каримова күнүмдүк режимден тышкары каалаган убагында баса алат жана көп учурда провокацияларды жаратат.

"Анын абактагы камерасында төрт керебети бар. Ал кадимки ашканада тамак ичпейт. Ал эмне жегиси келсе буйрутма менен алдырып алат. Башкаларга 10 килограммдан ашык алып киргенге болбосо, Каримовага унаалар менен азык-түлүк алып келишет. Ал бир нерсени кааласа, ага жете алат. Бир сөз менен айтканда, ага эч тоскоолдук жок.

Бир жолу ал абакта тополоң чыгарды. Анан баарыбыз туруп 2,5 саат уктук. Анда ал аны бирөө ушактаганын айтып, жинденди. Ал абакта отурган болсо, анда, менимче, режимди бир аз сактаса жакшы болмок. Бирок ал аны такыр аткарбайт", - деген абакта жазасын өтөгөн аял.

Өзбекстандагы жалгыз аялдар түрмөсү болгон Зангиата районундагы №21 колониянын өкүлү бул маалыматты жергиликтүү журналисттерге анонимдүү түрдө тастыктаган. Кызматкердин айтымында, мекеменин администрациясы Гүлнара Каримованын жүрүм-туруму жана башка камактагыларга жасаган чагымчылдыгы боюнча жогорку жетекчиликке бир нече жолу кайрылууга аргасыз болгон.

2017-жылы Гүлнара Каримова Өзбекстандагы компаниялардын биринин салыгын төлөөдөн качуу, уурдоо, талап кылуу жана документтерин жок кылуу боюнча күнөөлүү деп табылып, 10 жылга эркинен ажыратылган. Биринчи өкүмдөн кийин Каримова бир нече убакыт бою үй камагында отурган. Бирок 2019-жылдын март айында ал камакта кармоонун шарттарын "кара ниеттик менен" бузган деп айыпталып, Ташкент облусундагы түзөтүү абагына жөнөтүлгөн. Көп өтпөй ага экинчи кылмыш иши козголгон.

Автор: Азат Бейшенбеков