"Обама, Харрис..." Жо Байдендин ордуна ким талапкер болушу мүмкүн? (тизме)

Кечээ, 21-июлда АКШнын учурдагы президенти Жо Байден алдыда боло турган президенттик шайлоого катышпай турганын билдирген.

Президент кабыл алган чечиминин себептери тууралуу алдыдагы жумада элге жасай турган кайрылуусунда кененирээк кеп кыларын айтты.

АКШнын президенттигине Демократиялык партиянын талапкери партиянын курултайында аныкталат. Американын эң ири - The Washington Post, The New York Times жана USA Today, The Economist журналдары, Axios жана Business Insider порталдары Байдендин ордуна Демократиялык партиянын талапкерлигине мүмкүн болуучу талапкерлердин тизмесин даярдашты. Алардын арасында:

Вице-президент Камала Харрис, Байден аны колдой турганын айтты. Ал 59 жашта. Харрис 2019-жылы АКШнын тарыхындагы биринчи аял вице-президент болгон;

Мишель Обама, АКШнын мурдагы президенти Барак Обаманын жубайы. 60 жашта;

Пит Буттижич, транспорт министри. 42 жашта. Ооганстандагы согуштун ардагери. Ал 2020-жылдагы Демократиялык партияда Байдендин негизги каршылаштарынын бири болгон;

Эми Клобучар, Миннесотадан келген сенатор. 64 жашта. 2019-2020-жылдары Демократиялык партиядан талапкер болуу үчүн Байдендин атаандаштарынын бири болгон;