Канаданын тарыхында биринчи жолу өлкөнүн Куралдуу күчтөрүн аял башкарат

Канаданын Коргонуу штабынын жаңы башчысы биринчи жолу аял киши болду. Бул туурасында чет элдик басылмалар жазып чыгышты.

Маалымдалгандай, Канаданын мурдагы Коргонуу штабынын башчысы, генерал Уэйн Эйри бул кызматты 2021-жылдан бери аркалап келген. Ал өз кызматын Женни Кариньянга 18-июлда өткөрүп берген.

“Жаңы кызматка чейин Кариньян Сирияда, Иракта, Ооганстанда, Босния жана Герцеговинада кызмат өтөгөн жана көптөгөн сыйлыктарга, анын ичинде "Артыкчылык үчүн" жана "Кызматтын отличниги" төш белгисине ээ болгон”, - деп айтылат маалыматта.

Автор: Замира Ниязбекова