Сокулукта бычакталып, кордолгон өспүрүм: Милиция маалымат берди

Сокулукта өспүрүмдү кордогонго шектүү кармалды. Бул тууралуу бүгүн, 26-июлда Чүй облустук милициясынан билдирди.

Маалыматка ылайык, окуя 24-июлда саат саат 20:00 чамасында Сокулук районунун Калинин көчөсүндө орун алган. Милицияга жабырлануучу 16 жашар К.Ж.нын апасы 25-июлда кайрылган.

Бул факты Кылмыш-жаза кодексинин 280-беренеси (Бейбаштык) менен кылмыш иши козголгон.

Ыкчам издөө иш-чараларынын жүрүшүндө 19 жаштагы Ч.И. аттуу жаран кармалып, убактылуу кармоочу жайга киргизилди.

Соттук-укуктук экспертизалар дайындалып, тергөө иштери уланууда.

Эске салсак, буга чейин социалдык тармактарда өзүн “Принц” деп атаган улан өспүрүмдү кордоп жаткан видео тараган.

Автор: Бек Оморбеков
Фото: Чүй ОИИБ