Испаниянын атактуу футболчусунун атасы бычакталды

Каталониялык "Барселона" клубунун жана Испания курама командасынын жаш чабуулчусу Ламин Ямалдын атасы Мунир Насрауиге кол салуу болду. Бул туурасында чет элдик басылмалар жазышууда.

Маалымдалгандай, анын атасы ичине эки ирет бычак менен сокку жеп, ооруканага жеткирилген. Учурда анын абалы турукаташып, тийиштүү медициналык жардам көрсөтүлүп жаткандыгы маалыматта кошумчаланган.

Каталония полициясы Мунирге кол салган үч жаранды кармаганын маалымдаган. Алар кошумчалагандай каргашалуу окуяга чейин футболчунун атасы кошуналары менен айтыша кеткен.

Белгилей кетсек, Германияда өткөн Евро-2024 оюнунун финалдык беттешинде Испания Англияны 2:1 эсебинде утуп, Евро чемпиондугун төрт жолу жеңген алгачкы өлкө болду.

Анда 17 жаштагы “Барселонанын” жылдызы, футболчу Ламин Ямал Евро-2024 чемпиондугунда мыкты жаш футболчу деп табылган.

Андан соң ал Гиннесстин рекорддор китебине кирген.

Автор: Замира Ниязбекова