Чоң Чүй каналына түшүп кеткен үч жашар баланын сөөгү табылды

Бүгүн, 27-августта Чоң Чүй каналына түшүп кеткен үч жашар баланын сөөгү Кант шаарынын Панфилов көчөсүндөгү суу бөлүштүрүүчү жерден табылды.

Өзгөчө кырдаалдар министрлигинен билдиргендей, жерине Ысык-Ата райондук №27 ӨКБдан 4 куткаруучу тартылды.

Алар жансыз денени суудан чыгарып, милиция кызматкерлерине өткөрүп беришти.

Эске салсак, 19-августта Ысык-Ата районунун Дружба айылында үч жашар баланын дайынсыз жоголгону кабарланган. Милиция кызматкерлери, ӨКМдин куткаруучулары жана ыктыярчылар күн сайын баланы издөөгө чыгышкан.

Баланын ата-энеси президент Садыр Жапаровго кайрылуу жолдоп, каналдагы сууну убактылуу токтотуп турууну суранган.

Автор: Каныкей Амантаева