Орусиялык ырчы Алсу ажырашкандан кийин ага кыйын болгонун билдирди

Орусиялык ырчы Алсу ажырышкандан кийин маек берип, өзүнүн учурдагы абалы менен бөлүшүп өткөн. Ал ажырашкандан кийин ага кыйын болгонун, бирок баарын жаңы барактан баштаганын билдирген.

"Мен турмушка чыкканга чейин атамдын, турмуш кургандан кийин жолдошумдун көзөмөлүндө болдум. Эч качан 100 пайыз өз алдымча болбоптурмун. Мен үчүн бутума туруп, жашоону жаңы барактан баштоо кыйын болду. Бирок мен өзүм ойлогондон алда канча күчтүү экенмин. Көрсө, аялдардын колунан бардык нерсе келет экен. Чындыгында, биз, кыздар азаматпыз. Мен бир гана алдыга кеттим. Азыр жаңы долбоорлорду алып, өзүмдү ар тараптан сынап жатам. Чарчаган учурларым болот, бирок музыка мага ар дайым дем берип турат", - деген ал.

Белгилей кетсек, Алсу менен жолдошу 18 жыл бирге жашагандан кийин ажырашуу чечимин кабыл алышкан. Алардын эки кыз, бир уулу бар.

Автор: Бурул Турусбекова