Англия футбол курамасынын алгачкы чет элдик машыктыруучусу каза болду

Англиянын футбол курамасынын беш жыл жетектеген алгачкы чет элдик машыктыруучу швециялык Свен-Йоран Эрикссон каза болду. Ал 76 жашта болчу. Бул туурасында чет элдик басылмалар жазышты.

Маалымдалгандай, Эрикссонго рак илдети боюнча диагноз коюлуп, бир жылга чейин эле жашай тургандыгы айтылган. Ал 8 айдан кийин дүйнө менен кош айтышты.

Ал Италияда, Португалияда жана Швецияда клубдук деңгээлдеги кубокторду жеңип, өзүн атын чыгарган футболист. Ал 27 жашында футболдон кетип машыктыруучу милдетти аркалаган.

2001-жылы өз карьерасында чоң жетишкендиктерди багындырып, Англиянын курама командасын машыктыра баштаган. Ал ошол жылдары Дэвид Бекхэм, Стивен Джеррард жана Уэйн Руни сыяктуу алдыңкы футболчуларды машыктырган.

2002 жана 2006-жылдардагы дүйнөлүк чемпионатта жана эки турнирде тең чейрек финалга команданы алып чыккан.

Автор: Замира Ниязбекова