Нурланбек Шакиев Танзила Нарбаева менен жолугушту

Бүгүн, 12-сентябрда Жогорку Кеңештин төрагасы Нурланбек Шакиев Өзбекстандын Хива шаарында өтүп жаткан Борбор Азия мамлекеттеринин II парламенттер аралык форумунун алкагында аталган өлкөнүн Олий Мажлисинин сенатынын төрайымы Танзила Нарбаева менен жолугушту.

Парламенттин басма сөз кызматынан билдиргендей, жолугушууда боордош эки өлкө ортосундагы саясий-экономикалык, маданий-гуманитардык байланыштарды арттыруу, парламенттер аралык кызматташтыкты кеңейтүү маселелери талкууланды.

Баарлашууда маданий-гуманитардык алакалар тууралуу да айтылып, бул жааттагы иш-чаралар эки элдин достугун бекемдөөгө көмөкчү болору белгиленди.

Автор: Бек Оморбеков