"Байге фонду 5 миң доллар". Чолпон-Ата шаарында триатлон боюнча Азия Кубогу өтөт

14-15-сентябрь күндөрү Ысык-Көл облусунун Чолпон-Ата шаарындагы "Каприз" эс алуу борборунда Азия кубогу жана Борбордук Азия жаштар кубогу боюнча триатлон мелдештери өтөт. Бул туурасында Дене тарбия жана спорт департаменти билдирди.

Маалымдалгандай, мелдештерге 300дөн ашуун спортчулар, анын ичинде профессионалдар жана спорт сүйүүчүлөр катышат.

Катышуучулар жаш курактарына жана категорияларына жараша төмөнкү аралыкта күч сынашат:

Супер спринт:

- Сүзүү: 0,3 чакырым;

- Велосипед: 8 чакырым;

- Жүгүрүү: 2 чакырым;

Стандарт:

- Сүзүү: 1,5 чакырым;

- Велосипед: 40 чакырым;

- Жүгүрүү: 10 чакырым;

Кошумчалангандай, профессионал спортчулар үчүн байге фонду 5 миң доллар, ал эми спорт сүйүүчүлөр үчүн демөөрчүлөр тарабынан атайын белектер каралган.

Автор: Замира Ниязбекова