Орусиянын белгилүү Comedy Club шоусу жабылбай турганы айтылды

Белгилүү Comedy Club шоу берүүсүнүн жабылышы тууралуу билдирүү тамаша экенин орусиялык басылмалар жазышты.

Шоунун продюсери Гарик Харламов жана алып баруучу Павел Воля программанын жабылышы тууралуу билдирүүлөрүн четке кагып, бул 20-сезондун тамашасы болгону менен түшүндүрүшкөн.

"20-сентябрда Comedy Club берүүсүндө Харламов шоу жабылып жатканын айткан. Ошол эле учурда Павел Воля "Кош бол, Comedy Club. Салам, Comedy Club'дын жаңы 20-сезону" деп шоунун жаралуу тарахын айткан" деп жазды Коммерсантъ басылмасы.

ЖМКлар жазгандай, 19-сентябрда Comedy Club'дын жабылышы тууралуу маалыматты ТНТ каналынын басма сөз кызматы да тастыктаган.

Comedy Club 2003-жылы "Жаңы армяндар" КВН командасынын мүчөлөрү тарабынан клубдук шоу катары түзүлгөн. Аталган берүү TНT телеканалында 2005-жылдын 23-апрелинен тарта эфирге чыга баштаган.

Автор: Айжанар Рыспек кызы
Фото: Интернеттен алынды