Израилдин аба чабуулдарынан кийин миңдеген ливандыктар үйлөрүн таштап кетишүүдө

Миңдеген ливандыктар өлкөнүн түштүгүндөгү үйлөрүн таштап, Сирияга бет алышты. Ливанда каза болгондордун саны 500дөн ашты. Бул тууралуу чет элдик басылмалар жазышууда.

24-сентябрда түштөн кийин Израил Бейрутка дагы бир аба соккусун жасады. Ливандын Саламаттыкты сактоо министрлиги дээрлик 560 киши набыт болгонун билдирди. Эки миңге жакын адам жаракат алган.

Маалымдалгандай, бул Израилдин 2006-жылы "Хезболла" менен 34 күндүк согушунан берки эң кандуу бомбалоосу.

Эске салсак, 23-сентябрда Израил Ливандагы "Хезболланын" жүздөгөн буталарына абадан сокку урган.