"17 миң сомго чейин". Бишкекте жашыл аянтка унаа токтоткондорго айып салынат

Бишкекте жашыл аймактарга унаа токтоткон айдоочуларга айып пул салынат Бул тууралуу калаа мэриясынан кабарлады.

Маалыматка караганда, эреже бузгандарга 5 500 сомдон 17 миң сомго чейин айып пул каралган.

Жашыл газондорго жана жашылдандырууга арналган жерлерге унааларын токтоткону үчүн 5 айдоочуга айып пул салынды. Алардын ичинен 2 айдоочу мыйзам бузуу менен макул болсо, калгандарынын иштери райондук административдик комиссиянын комиссиянын кароосуна жөнөтүлдү.

Муниципалдык инспекция айдоочуларга унааларды жолдордун бөлүнгөн тилкесиндеги жашыл аянтка, газондорго жана жашылдандырыла турган жерлерге токтотпоону эскертет.

Автор: Бек Оморбеков
Фото: Бишкек мэриясы