SUPER.KG порталынын колдонуучулары Жаңы жылдык кайрымдуулук акциясын өткөрүштү

SUPER.KG порталынын колдонуучулары Жаңы жылдык кайрымдуулук акциясында 7 баласынан ажырап жесир калган Насыйкат Ажибаева жана анын небересине жардам көрсөтүштү

Жаңы жылдык кайрымдуулук акциясында тартуу кылынган белектер

SUPER.KG порталынын колдонуучулары Жаңы жылдык кайрымдуулук акциясын Баткен облусундагы Үч-Коргон айылындагы балдар үйүндө өткөрүштү

Баткен облусундагы Үч-Коргон айылындагы балдар үйүндөгү Жаңы жылдык кайрымдуулук акциясынан көрүнүш

Баткен облусундагы Үч-Коргон айылындагы балдар үйүндөгү Жаңы жылдык кайрымдуулук акциясын уюштурган форумчулар

SUPER.KG порталынын колдонуучулары 28-29-декабрь күндөрү Жаңы жылдык кайрымдуулук акциясын өткөрүштү. Анда аз камсыз болгон үй-бүлөлөрдүн балдарына белектер берилип, майрамдык маанай тартууланган.

Уюштуруучулардын бири Нурадыл Кудайбердиев кайрымдуулук акцияларына порталдын колдонуучулары өз ыктыяры менен катышышканын билдирди.

“Акцияны майрам алдында балдарга жагымдуу маанай тартуулоо максатында уюштурдук. Буга чейинки акциябызда Таластагы баласы оорукчан, аз камсыз болгон үй-бүлөгө жардам бергенбиз. Бул жолу Баткен облусундагы Үч-Коргон айылындагы балдар үйүнө белек берүү үчүн акча каражатын котордук. Кайрымдуулук акциясында чакан болсо да майрамдык белек, кийим-кече тартууладык”,- деди ал.

Мындан сырткары кайрымдуулук үчүн каражаттар чет өлкөдөгү мекендештерден да бөлүнүп турарын кошумчалады.

Автор: Айпери Ганыжан кызы