Анкарадагы теракт: Барымтадагылардын сүрөтү жарыяланды

Түркиянын Анкара шаарында теракт уюштургандар TUSAŞ аэрокосмостук компаниясынын кызматкерин барымтага алды. Андагы сүрөт интернетке тарады.

Бери дегенде 10 адам учурда террорчулардын колунда барымтада турат.

Жергиликтүү басылмалар каза болгондордун саны 9га жеткенин жазышты. Болжол менен террорчулар адегенде эки топко бөлүнгөн. Заводдун кире беришинде жанкечти жардыруу жасап, эки коопсуздук кызматкери набыт болгон. Дагы эки-үч адамдан турган топ кире бериш менен кирип, сүрөттөгү адамдарды барымтага алышкан.

Учурда жеринде Анкарадагы тиешелүү бардык кызматтар иш алып барышууда.

Автор: Азат Бейшенбеков