Жумгалда жоголгон ата-баланы издөө иши эртең улантылмай болду

Нарын облусунун Жумгал районундагы Өрнөк айылында ата-баланы издөө иши кеч киргендигине байланыштуу саат 20:05те токтотулду. Эртең, 2-ноябрда кайрадан таң эрте улантылат.

Өзгөчө кырдаалдар министрлиги билдиргендей, бүгүн саат 7:45те башталган издөө иштерине жалпы 114 адам катышып, 10 дрон тартылды.

Издөө иштери жеринде министрдин орун басары Урматбек Шамыркановдун жетекчилигинде күчөтүлгөн тартипте жүргүзүлүп, натыйжа болгон.

Белгилей кетсек, 16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон.

Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.

Автор: Айжанар Рыспек кызы
Фото: ӨКМ