Бишкек менен Чүйдүн айрым унаа жолдору 4-6-ноябрда жабылат

4-5-6-ноябрь күндөрү Бишкек менен жана Чүйдүн айрым көчөлөрүнө маал-маалы менен чектөөлөр киргизилет. Бул боюнча 2-ноябрда ЖКККББнын маалымат кызматынан кабарлашты.

Маалыматка ылайык, бул күндөрү өлкөдө Түркиянын президенти мамлекеттик сапары менен болот.

Мындан улам төмөнкү жолдор тосулат:

– «Манас» эл аралык аэропорт жолу Бишкек шаарынын чегине чейин;

– Фучик көчөсү Бишкек шаарынын чегинен тартып, Чүй кең көчөсүнө чейин;

– Чүй кең көчөсү Фучик көчөсүнөн тартып, чыгышты карай Манас проспектисине чейин;

– Манас жана Ч.Айтматов көчөлөрү түштүктү карай, «Ала-Арча» мамлекеттик резиденциясына чейинки бөлүгү

ЖКККББ мамлекеттик маанидеги иш-чара учурунда жогоруда көрсөтүлгөн жол жээктерине автоунаа калтырбоого, оор жүк ташуучу айдоочуларды зарылчылык болбосо жолго чыкпай турууга жана жалпы айдоочуларды жол эрежелерин так сактоого чакырат.

Автор: Айжанар Рыспек кызы
Фото: Интернеттен алынды