"Слово пацана" сериалында роль аткарган актриса Лидия Ильина дүйнө салды

"Слово пацана" сериалында Ералаштын чоң энесинин ролун аткарган орусиялык актриса Лидия Ильина дүйнө салды. Бул тууралуу чет элдик басылмалар жазышууда.

Ага ылайык, актриса кечээ, 1-ноябрда ооруканада 77 жаш курагында көз жумган.

Бир нече тасмаларда роль жараткан Лидия Ильинанын коштошуу зыйнаты 5-ноябрда өтөт.

Ильина 1946-жылы 29-ноябрда туулган. Ал музыкалык мектепти, андан кийин И.С.Палантая атындагы музыкалык-театралдык окуу жайынын театр жана режиссёр бөлүмүн бүтүргөн. Сериалдагы биринчи ролун 2010-жылы аткарган.

Автор: Айжанар Рыспек кызы
Фото: Интернеттен алынды