Беларусь НАТОну кол салууга даярданып жатат деп айыптады

Беларустун Коргоо министрлиги Украина менен чек арага жакын жерде бронетранспортери бар бөлүкчөлөр, анын ичинде атайын күчтөр жана Украинанын Улуттук гвардиясы топтолгондугун билдирди. Бул тууралуу чет элдик басылмалар жазды.

"Республиканын айланасында “аскердик-саясий кырдаалдын чыңалуусу күчөгөн” атмосфера түзүлдү”, - деди Беларустун Куралдуу күчтөрүнүн Башкы штабынын башчысынын орун басары Владимир Куприанюк.

Ал ошондой эле НАТОну Минск жана Москва менен ачык тирешүүгө даярданып жатат деп айыптады. Аскердик лидердин ырастоосунда, альянс Орусиянын жана Беларустун чек араларына жакын жерде өзүнүн аскерий катышуусун жана аскердик чыгымдарды бир топ көбөйттү. Куприанюктун айтымында, мунун баары "АКШ көзөмөлдөгөн НАТО блогу чындыгында Беларусь жана Орусия менен куралдуу кагылышууга даярданууда" деген кооптонууну жаратпайт койбойт.

Беларусь менен Украинанын чек арасындагы кырдаал август айынын аягында Минск чек арага армиянын олуттуу бөлүктөрүн тарткандан кийин курчуган. 25-августта украин өкмөтү Минскиге кайрылып, аскерлерди чек арадан алыс, "коопсуз аралыкка" чыгарууну өтүнгөн.

Украинанын Тышкы иштер министрлиги өз билдирүүсүндө: "Беларусь чек араны бузган учурда, Украина БУУнун Уставында кепилденген өзүн-өзү коргоо үчүн бардык зарыл чараларды көрөт" деп баса белгилеген. Мындай учурда Беларустун аймагында аскерлердин жана камсыздоочу каражаттардын топтолушу "Украинанын Куралдуу күчтөрүнүн (AFU) мыйзамдуу буталарына" айланат деп эскертти министрлик.

Минск Киевди чабуул даярдап, республиканын чек арасына аскер кызматкерлерин жана танктарын ташыды деп айыптоо менен жооп кайтарган.

Эки өлкөнүн ортосундагы 1084 чакырым чек ара Чернобыл атомдук электр станциясына жакын аймактарды камтыйт, бул аймактык гана эмес, глобалдык коопсуздук үчүн да кооптонууну жаратат. Станциянын реакторлору жабылган, бирок алар дагы эле радиациялык зарядды алып жүрөт. Бул зонага ракеталык чабуулдар Чыгыш Европанын дээрлик бүткүл территориясынын масштабдуу радиоактивдүү булганышына алып келиши мүмкүн.

Автор: Айпери Бакталбек кызы