Хусийлер АКШнын чалгындоочу учкучсуз учагын атып түшүрдү

Йемендин түндүк бөлүгүн башкарган хусийлердин "Ансар Аллах" кыймылы АКШнын чалгындоо учагын атып түшүрдү. Бул тууралуу РИА Новости өздүк булактарына таянып жазды.

"Ансар Алланын" абадан коргонуу күчтөрү Йемендин түндүгүндөгү Аль-Жавф провинциясынын асманында, Сауд Аравия менен чек арага жакын жерде америкалык MQ-9 чалгындоочу учкучсуз учагын ракета менен атып түшүрдү", - деп жазылат анда.

Белгилей кетсек, хусийлер Йемендеги 2014–2015-жылдардагы саясий окуялардан кийин иш жүзүндө өлкөнүн түндүгү менен борборун көзөмөлдөп калышкан. Йемендин бир кыйла бөлүгүн 2015-жылдан бери хусийлер негиздеген Ыңкылап кеңеши башкарып келет.

Автор: Кылымбек Бейшеев
Фото: Иллюстрациялык сүрөт