Путин миграция саясатын катаалдаштыруу боюнча мыйзамга кол койду

Орусиянын президенти Владимир Путин миграциялык саясатка өзгөртүүлөрдү киргизген бир катар мыйзамдарга кол койду. Бул тууралуу лрус басылмалары жазышууда.

Маалым болгондой, мамлекеттик Думанын депутаттары аларды октябрдын аягында кабыл алса, Федерация Кеңеши 6-ноябрда бекитти.

Путин төмөнкү документтерге кол койгон:

- мыйзамсыз миграцияны уюштурууда алынган акчаларды, баалуулуктарды жана мүлктү конфискациялоо жөнүндө;

- уюшкан топ тарабынан же оор жана өзгөчө оор кылмыштарды жасоо максатында жасалган мыйзамсыз миграцияны уюштурууну өзгөчө оор кылмыштарга квалификациялоо жөнүндө;

- Орусияда мыйзамсыз жүргөн адамдын кылмыш жасагандыгын оордотуучу жагдай катары таануу жөнүндө;

- мигранттар үчүн мыйзамсыз кызмат көрсөтүүчү сайттарды соттон тышкаркы бөгөттөө боюнча;

- ортомчу уюмдарга мигранттардан сынак тапшырууга тыюу салуу жөнүндө.

Мыйзамсыз миграцияга каршы күрөшүү боюнча беш демилгеден турган пакетти вице-спикер Ирина Яровая (Бирдиктүү Орусия) жетектеген комиссия иштеп чыккан. Мамлекеттик Дума мыйзамдарды бир добуштан колдоду.