Дүйнө чемпиондугунда самбочулар дагы эки коло медаль утту

Казакстандын Астана шаарында өтүп жаткан самбо боюнча дүйнө чемпиондугунун экинчи күнүнүн жыйынтыгы менен кыргызстандык самбочулар эки коло медаль утту. Бул тууралуу Дене тарбия жана спорт департаментинен билдиришти.

Маалым болгондой, мелдеште эркектер арасында күжүрмөн самбо боюнча Курманбек Замирбек уулу 71 килограммга чейинки салмак категориясында 3-орунду ээледи.

Ал эми пара самбо боюнча 79 килограммга чейинки салмакта Сүймөнкул Молдобеков коло медалга ээ болду.

Белгилей кетсек, самбо боюнча дүйнө чемпиондугу бүгүн жыйынтыкталат.

Буга чейин самбочулар мелдеште 3 коло медаль жеңген.