Мексикада барда атышуу болуп, он адам каза болду

Мексиканын ушундай эле аталыштагы штатынын Керетаро шаарында белгисиз адамдар барда ок чыгарышкан. Натыйжада кеминде 10 адам каза болуп, дагы жетөө жарадар болгон. Бул тууралуу чет элдик басылмалар жазышууда.

Керетаро муниципалдык коомдук коопсуздук бөлүмүнүн башчысы Хуан Луис Ортис окуя ишемби, 9-ноябрда болгонун билдирди. Белгилүү болгондой, төрт куралчан адам унаа менен бардын имаратына келип, андан соң ичине кирип, адамдарга ок чыгарган.

"Учурда 10 адам каза болуп, жетөө жаракат алганы белгилүү болду", - деди Ортис.

Окуя боюнча иликтөө иштеринин жүрүшүндө милиция бир адамды кармаганы такталган.