Путин Ички иштер министрлигин мыйзамсыз миграция жана экстремизм менен күрөшүүгө чакырды

Орусиянын президенти Владимир Путин Ички иштер министрлигинин кызматкерлерин кылмыштуулук менен күрөшүүгө, терроризмге, баңги затын мыйзамсыз жүгүртүүгө, мыйзамсыз миграцияга каршы катуу күрөшүүгө, жол коопсуздугун жакшыртууга чакырды. Бул тууралуу анын Ички иштер кызматкерлеринин күнүнө карата куттуктоосунда айтылат.

Анын айтымында, экстремизмге бөгөт коюуда да активдүүлүк керек.

"Бардык мезгилде Ички иштер министрлигинин мыкты кызматкерлери тайманбастыгы, ак ниеттүүлүгү, мыйзамдын жана адилеттүүлүктүн күчүнө бекем ишенгендиги менен айырмаланып, жаңы муундарды ар-намыстын, мекенчилдиктин, кызматтык милдетине берилгендиктин салтында тарбиялап келишкен", - деди ал.

Анын айтымында, бүгүнкү күндө ички иштер органдарынын кызматкерлери өз бөлүмдөрүнүн тарыхын жаңы даңктуу салттарды кошууда. Быйылкы жылы эле 659 кызматкер мамлекеттик сыйлыктарга ээ болду. Алардын арасында - өлүм коркунучуна карабай - тайбай, артка чегинбей, кызмат учурунда баатырларча курман болгондор бар.

Ошондой эле ал согуш болуп жаткан жерге жакын жайгашкан аймактардагы ички иштер бөлүмдөрүнүн кайраттуу ишин белгиледи.