Убактылуу кызматынан четтетилген Түштүк Кореянын президентти суракка чакыртылды

Убактылуу кызматынан четтетилген Түштүк Кореянын президенти Юн Сок Ёл прокуратурага суракка чакыртылды. Бул тууралуу бүгүн, 17-декабрда чет элдик басылмалар жазышты.

Маалыматка ылайык, Юн Сок Ёл экинчи жолу прокуратурага чакыртылган. Биринчи жолкусунда барган эмес. Ал 21-декабрга чейин суракка барбаса, анда аны камоого күч колдонуу маселеси каралат. Ал эми президент ага карата коюлган дооматтардын баарын четке кагууда.

Белгилей кетсек, 14-декабрда Түштүк Кореянын парламенти президент Юн Сок Ёлго импичмент жарыялоону колдогон. Добуш берүүгө катышкан 300 депутаттын 204ү "макул", 85и "каршы" добуш берсе, үчөө калыс болгон. Буга президенттин 3-декабрда күтүүсүз аскердик абал жарыялашы түрткү болгон.

Учурда президент убактылуу кызматынан четтетилгендиктен, анын милдетин өкмөт башчы Хан Дак Су аткарууда.

Автор: Бурул Турусбекова