“Жарым миллиард эле...” Курултайда Нарындан келген делегат президенттен каражат сурады

Нарын облусунун Ат-Башы районунан келген делегат Бурул Кабылова үчүнчү Элдик курултайда аталган аймактын инфратүзүмүнө каражат сурады.

Анын айтымында, Кытай мамлекети менен чектешкен аймак республиканын босогосу катары өнүгүшү керек.

“Эшигин көрүп – төрүнө өт” деп эл арасында айтылып келет. Биз элге окшоп 1 миллиард сом эмес, 500 миллион эле каражат сурайбыз. Ошону бөлүп берип койсоңуз. Ат-Башынын инфратүзүмүн оңдомокпуз”, - деди делегат.

Белгилей кетсек, бүгүн Бишкектеги Токтогул Сатылганов атындагы улуттук филармонияда III Элдик курултайдын биринчи күнү старт алды. Ага аймактардан шайланып келген 698 делегат катышууда.

Автор: Замира Ниязбекова