Киев менен Москва Трамптын согушту токтотуу талабына жооп беришти

Киев менен Москва АКШ президенти Дональд Трамптын согушту тез арада токтотууга чакырган билдирүүсүнө жооп беришти.

Тагыраагы, Украинанын тышкы иштер министри Андрей Сибига Трамптын билдирүүсүн өлкө кубаттай турганын билдирип, Орусияга болгон кысымды күчөтүп, аны сүйлөшүүгө мажбурлоо зарылдыгын белгилеген. Ошол эле учурда министр Орусиянын мындан аркы агрессиясын чектөө үчүн катаал санкцияларды колдонуу керек дейт.

Ал эми Кремль Трамптын коркутууларынан жаңы эч нерсе көрө албаганын билдирди. Орусиянын президентинин катчысы Дмитрий Песков Трампты мурунку мөөнөтүндө дагы санкциялык ыкмаларды көп колдонгон президент катары сыпаттап, "ал бул ыкманы жакшы көрөт" деди.

Буга чейин Америка лидери Орусиянын президенти Владимир Путинди Украинадагы согушту токтоосуз токтотууга чакырып, эгер баш тартса экономикалык катаал чаралар көрүлөрүн билдирген.

Автор: Кылымбек Бейшеев
Фото: Интернеттен алынды