Кёрлинг боюнча Кыргыз курамасы дагы Азия оюндарын жеңиш менен баштады

Кытайдын Харбин шаарында өтүп жаткан Кышкы Азия оюндарынын алкагында кёрлинг боюнча мелдештер башталып, улуттук курама команда жеңишке жетти.

Тагыраагы, Кыргызстандын улуттук курама командасы Кувейт курама командасын 8:6 эсебинде жеңген. Эми кыргыз оюнчулары экинчи беттеште Филиппин курама командасы менен күч сынашат.

Эске салсак, Кышкы Азия оюндарына Кыргызстандын атынан хоккей, биатлон, слалом, кёрлинг жана көркөм муз тебүү боюнча 50дөн ашык спортчу барган.

Белгилей кетсек, буга чейин хоккей боюнча улуттук курама команда Кувейт менен кез келип, алар дагы 9:8 эсебинде жеңишке жеткен.

Автор: Бурул Турусбекова