Башкы прокуратура Транспорт министрлигинин кызматкерлерине кылмыш ишин козгоду

Мамлекетке келтирилген 567 миллион сомдук зыян боюнча кылмыш иши козголду. Бул тууралуу Башкы прокуратуранын басма сөз кызматы кабарлады.

"Транспорт жана коммуникациялар министрлигинин жооптуу сактоосунда турган мобилизациялык резервиндеги 567 миллион сомдон ашык өзгөчө ири өлчөмдөгү товардык-материалдык баалуулуктардын жетишсиздиги аныкталган.

Бул факты Башкы прокуратура тарабынан кылмыш-жаза кодексинин 337-беренеси (кызмат абалынан кыянаттык менен пайдалануу) менен кылмыш иши козголуп, учурда тергөө амалдары жүргүзүлүүдө", - деп билдиришти министрликтен.

Автор: Азат Бейшенбеков