"Ак шумкарлардын" оюнчусу футбол талаасында укмуштуудай гендер-пати өткөрдү (видео)

Кыргызстандын футбол боюнча улуттук курама командасынын оюнчусу Александр Мищенко кыздуу болот. Ал жубайы жана жакындары менен биргеликте "Дордой" клубунун оюн талаасында гендер-пати уюштурушуп, жакшылыгы менен бөлүштү.

Социалдык баракчаларга жайгаштырылган видеодо, "Ак шумкарлардын" оюнчусу дарбазага топ тээп киргизип, жубайлар кыз күтүп жаткандыгын билишкен.

Белгилей кетсек, улуттук курама команданын коргоочусу Александр Мищенко 2024-жылдын июль айында Айжаркын аттуу сүйлөшкөн кызынын колун сурап, кийин баш кошушкан.

Ал эми оюнчу 25-мартта Катар менен беттеште киргизген голун жубайына арнап, ата статусуна ээ боло тургандыгын жарыялаган.