Бишкекте өгөй кызын өлтүрүүгө шектелген жаранга сот чечими чыкты

Бишкектин Биринчи май райондук соту 17 жаштагы өгөй кызын өлтүрүүгө шектүү Э.Б.га карата чечим чыгарды. Бул тууралуу соттун басма сөз кызматы бүгүн, 28-июлда билдирди.

Соттун чечимине ылайык, айыпталуучу мүлкүн конфискациялоо менен өмүр бою эркинен ажыратылды.

Белгилей кетсек, борбордо 2024-жылдын ноябрь айында үрөй учурган окуя катталган. Анда 1972-жылы туулган Э.Б. аттуу жаран BMW X5 үлгүсүндөгү унаа менен 17 жаштагы өгөй кызын уурдап кеткен. Кийин өспүрүм кыздын сөөгү Чүй облусунун аймагынан табылган. Ысык-Көл облусунун аймагынан шектүүнү кармоо учурунда ал өз жанын кыюуга аракет кылган.

Автор: Айжанар Рыспек кызы
Фото: Интернеттен алынды