Жалал-Абадда 11 жаштагы кызды алдоо жолу менен уурдап бара жаткан жаран табылды (видео)

Социалдык баракчаларда кечээ, 15-августта Жалал-Абадда белгисиз бир адам 11 жаштагы кызды алдап, уурдап кетип кармалгандыгы боюнча видео тарады.

Күбөлөрдүн айтымында, ал кызга балмуздак алып берем деп алдап, башка шаарга алып кетүүнү көздөгөн. Бирок WhatsApp тиркемеси аркылуу маалыматтар ыкчам тарап, элдин активдүүлүгүнүн аркасында кыз табылып, ууру кармалды.

Кыз аман-эсен куткарылып, ата-энесине тапшырылды.

"Жалпы биздин жигиттерге жана бухгалтерияга ыраазычылык билдирем. Баары өз кызы жоголгондой издешти жана тапты. Менин өкүл кызымдын кызы эле. Бул адамды өлүм жазасына тартыш керек. Себеби аракетин кайталашы толук мүмкүн. Буга чейин да бир нече жолу соттолуптур", - деп белгилеген кыздын жакындары.

Ал эми Жалал-Абад облустук милициясы бул боюнча маалыматты тастыктады. Кошумча маалымат берилет.