Бишкек-Ош унаа жолундагы Төө-Ашууда оор жүк ташуучу унааларга киргизилген убактылуу чектөө алынды. Бул тууралуу Транспорт министрлигинен билдиришти.
Билдирүүгө ылайык, чектөө бүгүн, 2-октябрда саат 09:00дө алынган.
Белгилей кетсек, Жол кыймылынын коопсуздугун камсыздоо башкы башкармалыгы кечээ, 1-октябрда саат 16:30да аба ырайы кескин өзгөргөнүнө байланыштуу оор жүк ташуучу унааларга чектөө киргизген болчу.