Бишкек–Ош унаа жолунда тоо боорунан кулаган таштар тазаланып, эки тараптуу жол ачылды. Бул тууралуу Транспорт жана коммуникациялар министрлиги кабарлады.
Маалыматка ылайык, бүгүн, 15-декабрь, саат 08:00 чамасында аталган унаа жолундагы 427–451-чакырымдар аралыгында таш кулап, бир унаанын алдыңкы бөлүгү жабыркаган.
Жабыркаган унаа камсыздандырылган. Анын чыгымдары камсыздандыруу компаниясы тарабынан төлөнүп берилери маалым болду.