"Башка районго эмнеге келесиңер?" Бишкекте балдардын токмоктолушу боюнча маалымат берилди

Бишкек шаарынын ички иштер башкы башкармалыгы Мурас-Ордо жаңы конушунда балдардын токмоктолушу боюнча маалымат берди.

Борбор калаанын милициясы факт боюнча Кылмыш-жаза кодексинин 280-беренеси (Бейбаштык) менен кылмыш иши козголун билдирди. Аталган окуяга тиешеси бар 13 жаштагы 2 жана 16 жаштагы 1 өспүрүм жакындары менен милицияга жеткирилген.

"Учурда окуя боюнча текшерүү иштери улантылып, анын жыйынтыгы менен мыйзам боюнча укуктук баа берилет жана чаралар көрүлөт", - деп айтылат маалыматта.

Буга чейин интернет желесинде "башка районго эмнеге киресиңер?" деп балдарды сабап жаткан жарандардын видеосу тараган болчу.