Ташиевдин текшерүүсүнөн кийин транспорт министри 4 жетекчиге сөгүш берди

Бүгүн, 29-декабрда транспорт жана коммуникациялар министри Абсаттар Сыргабаевдин төрагалыгы алдында кезектеги аппараттык жыйын болуп өттү.

Министрлик кабарлагандай, отурумда Балыкчы - Бөкөнбаев - Каракол унаа жолунун курулушу боюнча маселе каралып, транспорт жана коммуникациялар министринин биринчи орун басары, жол чарба департаментинин директору, "Кыргызжолтрансдолбоор долбоорлоо-изилдөө институту" мамлекеттик ишканасынын директору, "Кыргызжолтрансдолбоор долбоорлоо-изилдөө институту" мамлекеттик ишканасынын директорунун орун басарына сөгүш берилген.

Сыргабаев жумушун так аткара албагандар кызматынан алынарын айтты.

Эске салсак, 27-декабрда УКМКнын төрагасы Камчыбек Ташиев Ысык-Көлдүн түштүк тарабындагы унаа жолдун курулушу боюнча жыйын өткөргөн.