"Оскар" сыйлыгынын жеңүүчүлөрү аныкталды

Дүйшөмбүгө караган түнү Лос-Анжелесте Оскар сыйлыгын 98-жолку тапшыруу аземи өттү. Анда "Эң мыкты тасма" номинациясын Пол Томас Андерсон тарткан "Кармаш артынан кармаш" тасмасы жеңип алды.

Аталган тасма дагы 3 номинацияга ээ болду. Алсак, Андерсон "Эң мыкты режиссёр" номинациясын, тасмада рол жараткан Шон Пенн "Экинчи пландагы эң мыкты актёрду" жана тасма өзү "Эң мыкты адаптацияланган сценарий" сыйлыгын жеңип алды.

Оскар сыйлыгынын "Эң мыкты актёр" номинациясын Майкл Б. Жордан "Күнөөкөрлөр" тасмасындагы ролу үчүн алса, "Эң мыкты актриса" номинациясы "Гамнет" тасмасындагы ролу үчүн Жесси Баклиге буюрду. "Экинчи пландагы эң мыкты актрисаны" Эми Мэдиган "Орудия" тасмасындагы ролу үчүн алды.