Израилдин соккусунан Тегерандагы аэропортто учак өрттөнүп кетти (видео)

Ирандын Тегеран шаарындагы Мехрабад эл аралык аэропорту жайгашкан аймакта абадан жасалган соккунун натыйжасында учак өрттөндү. Бул тууралуу чет элдик басылмалар Al Hadath телеканалына таянып жазышты.

Маалыматка ылайык, бир нече катуу соккудан кийин Ирандын аскер-аба күчтөрүнө таандык дүйнөдө акыркы калган Boeing KC-747 учагы жок кылынган. AviaNews агенттигинин билдиришинче, соккуну Израил армиясы жасаган.

Белгилей кетсек, 1975-жылы Ирандын падышасы Мохаммед Реза Пехлеви империялык аскер-аба күчтөрү үчүн 12 даана Boeing 747 учагын сатып алган. Алардын ичинде ушул учак да болгон.