Шри-Ланка Жакынкы Чыгыштагы согуштан улам шаршемби күндү эс алуу деп жарыялады

Шри-Ланка 18-марттан тартып кыскартылган жумуш жумасын киргизип, шаршемби күндү эс алуу күнү деп жарыялады. Бул тууралуу өлкөнүн негизги кызматтар боюнча башкы комиссары Прабат Чандракирти билдирди.

Анын айтымында, жаңы тартип айрым мамлекеттик мекемелерге, мектептерге жана университеттерге тиешелүү болот. Ошондой эле ал жеке ишканаларды да ушул чечимди колдоого чакырды. Ал эми ооруканалар, порттор жана тез жардам кызматтары мурдагыдай эле үзгүлтүксүз иштей берет.

Мындай кадам күйүүчү майды үнөмдөө максатында киргизилген. Чечим Жакынкы Чыгыш аймагындагы согуштун улам күйүүчү май кризиси жаралышы мүмкүн деген кооптонууга байланыштуу кабыл алынган.