Тегеран АКШ жана Израилге каршы жаңы курал колдонорун билдирди

Ирандык аскерлер АКШ жана Израилге каршы жаңы курал колдонууга даярданып жатышат. Бул тууралуу өлкөнүн армиясынын өкүлү Мохаммад Акраминия билдиргенин чет элдик басылмалар жазышууда.

"Жакынкы күндөрү буга чейин колдонбогон куралдарды пайдаланабыз",- деген ал.

АКШ менен Израилдин Иранга каршы операциясы үчүнчү жума уланууда. АКШ Иранды аскердик мүмкүнчүлүктөрүн жок кылуу менен коркутуп, жарандарды бийликти кулатууга чакырды. Ал эми Иран өзүн коргоого даяр экенин билдирип, азырынча сүйлөшүүлөрдү кайра баштоонун маанисин көрбөй жатканын белгиледи.

Автор: Замира Ниязбекова