12 мусулман өлкөсү Иранды чабуулдарды токтотууга чакырды

12 араб жана ислам өлкөлөрүнүн тышкы иштер министрлери бейшемби күнү Сауд Арабиясынын борбору Эр-Риядда өткөн жолугушуудан кийин жарыяланган биргелешкен билдирүүдө Иранды чабуулдарын токтотууга чакырды.

"Ирандын жарандык инфраструктураны, анын ичинде мунай объекттерин, тузсуздандыруу заводдорун, аэропортторду, турак жай имараттарын жана дипломатиялык миссияларды бутага алган баллистикалык ракеталарды жана учкучсуз учуучу аппараттарды колдонуу менен атайылап кол салууларын эч кандай шылтоо менен же эч кандай жол менен актоого болбойт",- деп айтылат билдирүүдө.

Тышкы иштер министрлери ошондой эле Израилдин Ливанга жасаган чабуулдарын айыптап, Ливандын коопсуздугун, туруктуулугун жана аймактык бүтүндүгүн колдой тургандыктарын ырасташты.

Билдирүү Азербайжан, Бахрейн, Египет, Иордания, Кувейт, Ливан, Пакистан, Катар, Сауд Арабиясы, Сирия, Түркия жана Бириккен Араб Эмираттарынын тышкы иштер министрлеринин атынан жарыяланды.