Улуу Британия Араб деңизине суу астында жүрүүчү кемесин жайгаштырды

Улуу Британиянын Королдук деңиз флотунун ракеталар менен куралданган HMS Anson атомдук суу астында жүрүүчү кемеси Араб деңизине кирди. Бул тууралуу Daily Mail басылмасы аскердик булактарына таянып жазды.

Булактардын маалыматы боюнча, суу астында жүрүүчү кеме Ормуз кысыгынын жанындагы Араб деңизинде жайгашкан. Отчётто HMS Anson 1600 чакырым аралыкка уча алган Tomahawk ракеталары жана оор жүк ташуучу Spearfish торпедалары менен куралдангандыгы белгиленген.

Басылма суу астында жүрүүчү кеменин Жакынкы Чыгышка келиши Улуу Британиянын премьер-министри Кир Стармердин АКШга Ормуз кысыгын бутага алган ирандык буталарга сокку уруу үчүн британдык аскердик базаларды колдонууга уруксат берүү жөнүндөгү макулдугу менен дал келгенин белгилейт.